County: Hertfordshire
Code: D4170#3
Reference: Hertford, Hertfordshire Archives and Local Studies: ASA/1AR, fol.54v, item 2
Function: Will




[fol.54v][item2][line 14]Johes Gybbes de Ryk
[Latin: Jn dei nomine amen] . J . John Gybbes in my good mende beyng the vj day of Marche in the ȝer of owr̕ lord a Mlele-.-iiijc-.-xlvij . make &
ordeyne my testament in this maner Fyrst j be-quethe my sowle vnto almyghty god & my body for be beryed in the chirche ȝerd
of our̕ lady in Rykmersworthe Jtm̕ J be-quethe vnto oure lady lyȝt in the seid chirche xij d Jtm̕ J be-quethe vn-to the reparacion of the
seid chirche xij d Jtm̕ vnto the lyȝt in our̕ lady chapelle xij d Jtm̕ vnto eche of the clerkys of the seid chirche vj d Jtm̕ vnto
John Tyler̕ the sone of Thomas Tyler . vj . ewen̕ & in mony . vj s viij d . Jtm̕ vnto Richard Tyler his brother iij s iiij d Jtm̕
to the older John Jone the doughter of Thomas Tyler . ij . ewen & in mony iij s iiij d Jtm̕ vnto ȝong Jone here soster j ewe
Jtm̕ j be-quethe vnto the reparaconn of the hy way at poleyns xij d Jtm̕ vnto Margerye Swanlond a pogge Jtm̕ vnto John
Tyler my blew gowne Jtm̕ vnto Jone Gybbes & to Mergrete her̕ soster the dowghtryn̕ of willam Gybbes eche of hem a lamb
Jtm̕ vnto the older Jone the doughter of Thomas Tyler a basyn & lavour Jtm̕ vnto the said Jone a bras pot cont̕ by est a galon̕
Jtm̕ vnto John Tyler a posnet of bras cont̕ a potelle Jtm̕ vij pec̕ of pewter vesselle j be-quethe the oon half vnto John
Tyler & the todyr half vnto the older Jone his soster Jtm̕ j be-quethe vnto Alison̕ lucas xx d Jtm̕ vnto ȝongge Jone the doughter
of Thomas Tyler xij d Jtm̕ vnto Katerine Gybbes the wyf of Thomas Gybbes j ewe Jtm̕ vnto John Gybbes the sone of
Thomas Gybbes a shepp Jtm̕ vnto John Spryngold a ewe Jtm̕ j be-quethe vnto Thomas Gybbes xx d Jtm̕ vnto willam
Gybbes xx d Jtm̕ vnto willam Arnewy iij s iiij d And this wille for to be fulfylled j make & ordeyne myn̕ executours willam
Arnewy Thomas Gybbes & willam Gybbes Jn wytnesse her-of j have set my seel the day & the ȝer̕ above-wretyne