County: Lincolnshire
Code: D4469
Reference: Lincoln, Lincolnshire Archives: BNLW/1/1/5/61
Function: Will
This is þe last wylle of me willyam Randson~ of Byker Made yer~ ye Sonday next aftur ye fest of ye Annuncyacyon~ of our~ lady ye ȝer~ of our~ lord
a thowsand iiij hundyrd lxxix fyrst j wylle yt kateryn~ my wyfe ∧ have my Mese ye wyche yt j dwelle jn now wt Alle my landes tenementes pastur henge &
Marres wt al ye pertenandes tille hyr~ & hyr~ assynys tylle my chyldur com~ at ye age of xxty ȝer~ yan~ j wylle yt Thomas my son~ have my hede mese wt alle
[...] land & pastur lyggyng vndur wyth yo condycyon~ yat he latt wyllyam~ hys Brodur have hys modur joynter~ aftur hyr~ decese . And gyf ye sayd Thomas
my son~ wyl noth latt wyllyam~ my son~ have ye sayd joynter j wyll yt wyllyam my son~ have ye sayd mese wt al yo land & pastur lygyng vndur tylle he [...]
and hys heyres lawfully geton~ And gyf he deces wt-oute heyres of hys body lawfully geton~ to retorn~ tylle ∧ Thomas & whedur of yem decese wt-out heyres of hys
body edur of yem to be odur heyr~ And gyfe yei decesse both wt-out heyres of yer~ bodes lawfully geton~ as god defend j wylle yt ye north syde of ye way
yt was my modur joynter retorn~ to Janett lytwhyte my systur jn ye furme a-for~-sayd and j wylle aftur ye deces of my chyldur yt yt my hede plase
retorn~ to Thomas Randson~ my brodur wt ye land longyng yer-to jn ye furme a-for-sayd and gyf ye sayd Thoas decesse wt-oute heyr~ of hys
body yan~ j wylle it be sold & don~ jn ye kyrke of Byker Also j wylle yt yo lytylle cotage be yo Ee syde & iij stong on~ ye hows & j pastur be lome
bryg of ye E dyke & halfe j acr~ in ye est feld & halfe Acr~ in wygetoft feld and halfe j acr~ be ye Ee syde be sold when~ my doghturs are
Maryabulle be ye syght of kateryn~ my wyfe or~ hyr~ assynys and ye syn~ yer-of taken~ hevynly to be de-parted be-twen~ yem also j wylle yt Thoas my son~ have
my parke & al my rent of syse tyl hym & hys heyres of hys Body lawfully geton~ & gyf he decesse wt-out heyres j wylle it retorn~ to willyam~ my son~ in ye
sam~ furme also j wylle yt wyllyam~ my son~ have ij smale Pyngylles on~ in prior~ hylles & a nodur by wt Esohys Jn fe sympulle also j wylle yt Thomas my
son~ have al my Engge & fen~ jn ye sayd furme Also j wylle yt Elyzabt hunnyng have ij kye & vj ȝowys & Richard my man~ a styrke of ij ȝer~ of age
and Thoas boloke a-nodur styrke And j wylle yt Richard my chyld have j ȝowe and Eydur of my meydous j ȝowe & euer-ich-on~ of my godchyldur
on~ lame~ . also j wyl yt euer-ichon~ of myn~ executsur have for~ yer~ labur v s & Nichs lynn~ for~ hys labur iij s iiij d Mor~-our~ gyf any of my sonse
decese yt on~ of yem have al yo hole gude yan~ j wylle yt he pay to hys systores gyf yei lyfe x marke tyl yer~ Maryage euer-iche ȝer~ v . nobulles
tyl it be ful payd Also j wylle Thoas my son~ have my Fadur~ Swan~ Marke & wyllyam~ my son~ myn~ howne Swan~ Marke Made at Byker
yo day & ye ȝer~ aboue wryton~ Thyis to wytnesse willyam~ Norys vic~ of Byker~ Nichs lynn~ of Donyngton~ & willyam~ Fowle of
Byke & many odur