Vinnarane av Kammermusikkonkurransen 2023

Kvart år arrangerer Fakultet for utøvande kunstfag ein kammermusikkonkurranse, som i år fann sted torsdag 23. mars i Bjergsted. Førstepremien, som er eit stipend frå Skjeie på 25.000 kroner, gjekk både til Duo Con Fuoco på cello og klaver beståande av Sorip Kim og Andreas Wetås Jara, og til slagverkgruppa som bestod av Tomas Björn, Lars Ivar Thorkildsen, Øyvind Johansen, Margaux Racloz og Anthony Viander.

– Eg synest det er veldig gøy å ha vunne kammermusikkonkurransen og fått moglegheita til å spele saman med veldig dyktige medstudentar. Det er også veldig fint å få ei anerkjenning på at det ein jobbar for og gjer faktisk er noko bra. Kammermusikkonkurransen er eit veldig gøy arrangement som gjer at studentane får jobba mykje med kvarandre, seier Tomas Björn som er ein av vinnarane frå slagverkgruppa.

Ord frå juryen

Juryformann Håkon Vestly seier dette var grunngjevinga for vinnarane:

Slagverkensemblet viste imponerande presisjon og briljerte med raffinert klangbehandling og overbevisande samspel. Dette etterlot eit profesjonelt inntrykk.

Duo Con Fuoco spelte varsla ildfullt og energisk, men viste også utsøkt vakkert cantilenespel. Dei bidrog i tillegg med fin genrebredde og jazz/fusion, lekent og med «glimt i auget»